काठमाडौं । नेपालको च्याम्पियन्स कराँते डोजोको टोली फान्सको पेरिस पुगेको छ । जनवरी २० देखि २२ सम्म हुने पेरिस ओपन कराँते च्याम्पियनसिप २०२३ मा सहभागी हुन नेपालको च्याम्पियन्स कराँते डोजोको टोली पेरिस पुगेको हो ।
नेपालको च्याम्पियन्स कराँते डोजोको टोली मंगलबार नै पेरिस पुगेको हो । सुशील पौडेल, रोजन खड्का, सोनाम लामा, मोहम्मद सेख आलम, मनीषा चौधरी र युनिका मगरले नेपाली टोलीको प्रतिनिधित्व गर्नेछन् ।
नेपाली टोलीको प्रशिक्षकमा दिगम्बर पन्त र प्रभाकार राना मगर रहनु भएको छ भने टोलीको चिकित्सकमा अनुप सिंह खड्का ‘सुभमाकर’ रहनु भएको छ । आफूहरुले सकेसम्म राम्रो खेल प्रदर्शन गर्ने प्रशिक्षक राना मगरले बताउनु भएको छ ।
