एजेन्सी । राजस्थान रोयल्सले इन्डियन प्रिमियर लिग (आईपीएल) टी-२० क्रिकेटमा लगातार दोस्रो जित निकालेको छ । शनिबार भएको खेलमा राजस्थानले मुम्बई इन्डियन्सलाई २३ रनले पराजित गरेको हो ।
मुम्बईमा राजस्थानले दिएको १९४ रनको लक्ष्य मुम्बईले निर्धारित २० ओभरमा ८ विकेट गुमाएर मात्र १७० रन बनायो । मुम्बईका लागि तिलक बर्मा र इसन किसनले अर्धशतकीय पारी खेले । ३३ बल खेलेका तिलकले ३ चौका र ५ छक्काको सहयोगमा ६१ रन बनाए ।
त्यस्तै ४३ बल खेलेका इसनले ५ चौका र १ छक्काको सहयोगमा ५४ रन बनाए । त्यस्तै काइरन पोलार्डले २२ रन बनाउँदा कप्तान रोहित शर्माले १० रनको योगदान गरे । बलिङतर्फ नवदीप शैनी र युजभेन्द्र चहालले दुई दुई विकेट लिए ।
त्यस्तै टेन्ट बोल्ट, प्रशिद्ध कृष्ण र रवीचन्द्र अश्विनले एक–एक विकेट लिए । यसअघि पहिले ब्याटिङ गरेको राजस्थानले जोस बट्लरको शतकको सहयोगमा निर्धारित २० ओभरमा ८ विकेट गुमाएर १९३ रन बनायो ।
बट्लरले ६८ बल खेल्दै ११ चौका र ५ छक्काको सहयोगमा एकसय रन बनाए । त्यस्तै सिमरोन हेटमायरले ३५ रन बनाउँदा कप्तान सन्जु श्यामसनले ३० रनको योगदान गरे ।
बलिङतर्फ मुम्बईका लागि जस्प्रित भुम्राह र टेमल मिल्सले तीन/तीन विकेट लिए । त्यस्तै काइरन पोलार्डले एक विकेट लिए । जितसँगै राजस्थानले दुई खेलबाट ४ अंक जोडेको छ । यता मुम्बईको यो लगातार दोस्रो हार हो ।
