काठमाडौं । प्रमुख प्रतिपक्ष दल नेकपा एमालेले सरकारले आफ्नो असक्षमता लुकाउन गभर्नर महाप्रसाद अधिकारीलाई निलम्बन गरेको आरोप लगाएको छ । नेकपा एमालेका उपमहासचिव विष्णु रिमालले नेपालको पछिल्लो अर्थतन्त्रको अवस्था बारे सरकारलाई यथार्थ जानकारी गराएपछि आफ्नो असक्षमता खुल्ने भयले सरकारले गभर्नर माथि प्रहार गरेको प्रतिक्रिया दिए ।
रिमालले सामाजिक संजाल फेसबुकमा लेखेका छन्- “आफ्नो अक्षमता छोप्न, अरूमाथि जाई लाग्नेलाई हाम्रो तिर भन्थे- “ढङ्ग मरु-कसो गरूँ? !” निरन्तर बिग्री रहेको अर्थतन्त्रलाई ठीक बाटोमा ल्याउन सबैसंग सहयोगको याचना गर्नुपर्ने बेला प्रिय अर्थ मन्त्रीजी, अर्थ’कै ‘बैधानिक’ सल्लाहकार- गवर्नरलाई निलम्बन गरेर महान काम गर्नुभयो ! क्यावात् ! हिजो अस्ति के कसो करोड़-सरोड को चर्चा हुनु आज “अटेर-गवर्नर”लाई निलम्बन गर्नु “स्याल कराउनु र बाख्रा हराउनु” जस्तै हो त ?
